Omkar Sood – Chidiyaan

ਚਿੜੀਆਂ ਨਾ ਹੁਣ ਸ਼ੋਰ ਮਚਾਉਣ,
ਚੀਂ-ਚੀਂ ਕਰ ਨਾ ਭੋਰ ਸਜਾਵਣ……………!

ਨਿੱਕੇ ਹੁੰਦੇ ਚਿੜੀਆਂ ਫੜਦੇ,
ਲਾ ਟੋਕਰੀ ਰੋਟੀ ਧਰਦੇ,
ਉਹ ਮੌਜ਼ਾਂ ਨਾ ਦਿਲ ਵਿੱਚ ਆਉਣ……………!

ਚਿੜੀਆਂ ਨੂੰ ਸੀ ਲਾਡ ਲਡਾਉਂਦੇ,
ਪਾਣੀ ਭਰ-ਭਰ ਖ਼ੂਬ ਪਿਲਾਉਂਦੇ,
ਹੁਣ ਨਾ ਪਾਣੀ ਹੋਰ ਮੰਗਾਵਣ……………!

ਨਾ ਰਹੀਆਂ ਖੇਤਾਂ ਵਿੱਚ ਕੁੱਲੀਆਂ,
ਰੁੱਖਾਂ ਦੇ ਸਿਰਨਾਵੇਂ ਭੁਲੀਆਂ,
ਬਹਿ ਕੇ ਕਿੱਥੇ ਟੌਹਰ ਵਿਖਾਵਣ…………!

‘ਵਾਵਾਂ ਵਿੱਚ ਨੇ ਜ਼ਹਿਰਾਂ ਘੁਲੀਆਂ,
ਚੀਂ-ਚੀਂ ਕਰ ਕੇ ਥੱਕੀਆਂ ਬੁਲ੍ਹੀਆਂ,
ਕਿੱਦਾਂ ਮਸਤੀ ਹੋਰ ਮਚਾਵਣ…………!