Ashraf Gill – Chri chori painia ne paunia muhabbtan

ਚੋਰੀ ਚੋਰੀ ਪੈਣੀਆਂ ਨੇ ਪਾਣੀਆਂ ਮੁਹੱਬਤਾਂ

ਚੋਰੀ ਚੋਰੀ ਪੈਣੀਆਂ ਨੇ ਪਾਣੀਆਂ ਮੁਹੱਬਤਾਂ ।
ਸ਼ਰੇਆਮ ਪੈਣੀਆਂ ਨਿਭਾਣੀਆਂ ਮੁਹੱਬਤਾਂ ।

ਯਾਦ ਰੱਖੀਂ ਬਾਤ ਮੇਰੀ ਦਿਲਬਰ ਜਾਨੀਆਂ,
ਰੱਬ ਦੀਆਂ ਹੋਣੀਆਂ ਨੇ ਇੰਜ ਮੇਹਰਬਾਨੀਆਂ,
ਅਰਸ਼ਾਂ ਨੇ ਸਾਨੂੰ ਪਰਤਾਣੀਆਂ ਮੁਹੱਬਤਾਂ ।

ਸਾਡੇ ਵਿਚਕਾਰ ਚਾਹੇ ਲੱਖ ਹੋਣ ਦੂਰੀਆਂ,
ਮਿਲਣ ਦੇ ਵਿਚ ਭਾਵੇਂ ਹੋਣ ਮਜ਼ਬੂਰੀਆਂ,
ਦਿਲਾਂ ਵਿਚੋਂ ਸਾਡਿਉਂ ਨਾ ਜਾਣੀਆਂ ਮੁਹੱਬਤਾਂ ।

ਸਾਡਿਆਂ ਖ਼ਿਆਲਾਂ ਦੀ ਨਹੀਂ ਸੀ ਜਦੋਂ ਵਾਕਫ਼ੀ,
ਲੱਗਦੀ ਸੀ ਓਦੋਂ ਇਹ ਅਜੀਬ ਜੇਹੀ ਆਸ਼ਕੀ,
ਲਿਖੇ ਨਾਲ ਜਾਂਦੀਆਂ ਪਛਾਣੀਆਂ ਮੁਹੱਬਤਾਂ ।

ਇਕ ਵਾਰੀ ਦਿਲ ਨੂੰ ਜਾਂ ‘ਗਿੱਲ’ ਲੱਗ ਜਾਣੀਆਂ,
ਖੁਭ ਦਿਲ ਵਿਚ ਵੜ ਰਗ ਰਗ ਜਾਣੀਆਂ,
ਜਾਣੀਆਂ ਨਾ ਫਿਰ ਪਰਤਾਣੀਆਂ ਮੁਹੱਬਤਾਂ ।